Dîwanê Hemserekîye yê KCDK-E yo ke eşkerayîyêka nuştekîye daye, seba protestokerdişê hêrişê dewleta Tirkî yê vera Mexmûrî veng da Kurdistanijan û dostanê înan û waşt ke wa vejîyê kuçeyan.

KCDK-E vist vîrî ke Kampa Mexmûrî binê  çimdarîya Neteweyê Yewbîyayeyî (NY) de ya, bêvengîya hêzanê nîyanneteweyîyî yê vera hêrişê dewleta Tirkî şermezar kerde û vat: ‘’ Hêzê mîyanneteweyîyî yê ke vera hêrişî bêveng ê, hemkarê nê sûcî yê.

Eşkerayîye de bale ame antene ke hêriş bi zanayîş û verê çimanê  îdareyê Başûrê Kurdistanî de ameyo kerdene û ame vatene ke no şermêko Pîl o.

KCDK- E vat: Verê çimanê heme dinya de dewleta Tirkî hêrişê Kurdan kena. Bi destpêkerdişê hêrişê îşxalî yê vera Başûrê Kurdistanî, sivîlî hedef yenê girewtene. Ganî şarê Kurdî yo welatperwer bi rûhê yewîya neteweyîye wayîr Mexmûr bivejîyo û vera hêrişê îşxalî her ca de vejîyo kuçeyan û hêrişkaran şermezer bikero.