Kongreya Komelanê Demokratîkan ê Kurdîstanijanê Ewropa (KCDK-E) bi eşkerayîyêke vist vîrî ke Zîndanê Hewlêrî de Mazlûm Dogan û Abdurrahman Er 56 rojî yo, vera kerdişanê xiraban grevê vêşanîye de yê û terkê mergî bîyê.

Eşkerayîye de ame parekerdene ke Er û Dag mîyanê şert û mercanê giranan de yê û zîndan de raştê tedayan yenê. KCDK-E waşt ke cuya Er û Dagî wa bipawîya û cade wirdî zî vera bidîyê.

KCDK-E sere de Neteweyê Yewbîyayeyî venga pêro rêxistinanê heqanê merdiman da ke wayîrê waştişanê Mazlûm Dag û Abdurrahman Erî vejîyê.

KCDK-E dîyar kerd ke Ewropa, Avusturalya û Kanada de 14ê temmuze de verê sersefîrîyanê Iraqî û temsîlkarîya UNOyî de çalakîyê şermezarkerdişî bêrê kerdene. KCDK-E venga pêro kurdîstanijan da ke 14ê temmuze de Ewropa, Avusturalya û Kanada de tewrê çalakîyanê seba Dag û Erî bibê.