KCDK-E bi eşkerayîyêka nuştekîye veng da şarê kurdî û dostanê ci ke wa vera hêrişanê dewleta tirke yê vera Rojawanî her ca de vejîyê waran.

Eşkerayîye wina ya:

“Dewleta tirke ya qirkere xeylêk wexto ke Kurdîstan de qirkerdişan kena. Hukmatê AKP-MHPyî yo ke hem teber de hem zere de tengayî anceno semedê weçînitişanê ke nêzdî benê, serê sibayî ra Rojawan dano bombardumanî ver. Hêrişan de çimeyê enerjî, warê sîvîlan û hewceyê bingeyî yê şarî yenê hedefgirewtene. Badê tehdîtanê Hakan Fidanî hêrişê vera herême kirişîyayî merheleya qesasî. Bi nê hêrişan yeno waştene ke newera verê DAÎŞî bêro akerdene. Dewleta tirke seba ke herême bikero bêîstîkrar sûcanê şerî kena. Hêrişê vera Rojawanî qanûnê mîyanneteweyî binpay kenê. Dewleta tirke sûcê merdimye kena. Nê hêrişê ke serrgêra Komployê Mîyanneteweyî yê 9ê Teşrîna Verêne de yenê kerdene şorişê Rojawanî û destkewteyanê kurdan hedef genê. 

Bêvengîya Sûrîye, Rûsya û hêzanê mîyanneteweyî yena manaya qebulkerdişê qirkerdişê kurdan. Ma nê hêrişan bi şîdetî şermezar kenê û veng danê ke wa her kes vera hêrişan tewir bîgêro.

Ma sey KCDK-E veng danê ke wa şarê ma, şorişgêr, demokrat, roşnvîr, dostî û her keso ke hetê merdimîye de yo semedê wayîrvejîyayîşê Rojawanî vejîyo waran.

7-8ê teşrîna verêne de do serkêşîya TJK-E de çalakîyî bêrê kerdene. 10ê teşrîna verêne de Starsbourg de saete 11:00 de do rayraşîyayîşê wayîrvejîyayîşê Rayber Apo û Rojawanî bêro kerdene. Ma veng danê ke wa cinî, doman, extîyar, heme şarê ma bibo seferber.”