KCDK-E bale ante hêrişanê kîmyewîyan ser û vat: ''Roje a roje ke vera ê kesanê ke nefesê domanê ma birnenê ma wurzê payan ser.'' Eşkerayîye de venga pêro kurdîstanijan dîya ke 1ê teşrîna peyêne de tewrê rayraşîyayîşê Den Haagî bibê.
KCDK-E bi eşkerayîyêke venga pêro kurdîstanijan da ke vera hêrişanê kîmyewîyan 1ê teşrîna peyêne de tewrê rayraşîyayîşê Den Haagî bibê.
Eşkerayîye de dîya zanayene ke dewleta tirke 6 menganê peyênan de 2.470 reyî vera gerîlayan hêrişê kîmyewîyî kerdî û nê hêrişan de tewr tay 89 gerîlayî ameyî qetilkerdene. KCDK-E pare kerd ke dewleta tirke bêvengîya OPCW, NATO û Neteweyanê Yewbîyayeyan ra hêz gêna û hêrişanê xo yê kîmyewîyan rê dewam kena.
KCDK-E vat: ''Sere de OPCW ma venga pêro pawitoxamê heqanê merdiman, dezgehanê mîyanneteweyîyan, hukmatan danê ke verê nê hêrişan cade bigêrê. Ganî şarê kurdî û dostê kurdan zî vera nê hêrişan bibê vengê gerîlayan. Roje a roje ke vera ê kesanê ke nefesê domanê ma birnenê ma wurzê payan ser.
1ê teşrîna peyêne de ma bi rayraşîyayîşî şaristanê Den Haagî yê Hollanda de venga OPCWyî bidê ke wa erkê xo bîyarê ca. Seba cigêrayîşê hêrişanê kîmyewîyan ganî cade heyetêk şoro herême û no waştiş do bibo armancê çalakîya ma Ma venga pêro kurdîstanijanê Ewropa danê ke saete 11.00 de, Maliveled Den Haag de tewrê rayraşîyayîşî bibê.''
