Dîwanê Hemserekîye yê KCDK-E vera komployê Şingalî û peymana ke Hukmatê Hewlêr û Iraqî Şingalî ser o kerde, eşkerayîyêke daye. 

KCDK-E da zanayene ke peymane xizmetê Şingalî nêkena, xizmetê stratejîyanê dewleta tirke kena. KCDK-E pare kerd ke wextê wehşetê DAÎŞî de PDK û Hukmatê Iraqî êzidîyî têna verdayî coka heqê înan çin o ke Şingalî ser o çîyêk vajê.

KCDK-E vat: ''Ganî her kes îradeyê Şingalî rê hûrmet bikero. Qet yew peymana ke tede Meclîso Demokratîk o Xoser ê Şingalî çin o, hetê kurdanê êzidîyan, şarê Kurdîstanî û merdimîye ra nêra qebulkerdene. Ganî dezgehê kurdîstanijî, roşnvîr û hunermendî vera nê plananê gemarinan têbigêrê. Bêvengîye tesdîqê nê planan o. Ma do wayîrê Şingalî vejîyê.''

KCDK-E venga kurdan, dostanê kurdan û merdimîye da ke dormeyê Şingalî de xeta xoverdayîşî wa bêra geşkerdene.