Bi vengdayîşê Konfederasyonê Komelanê Kurdîstanî yê Almanya (KON-MED) dezgehê pabesteyê KCDK-E verê Garê Deutzî yê Kolnî de mîtîng de ameyî têhet. Qiseykerdişan de vera qedexeyî tewir ame girwtene.

Hemserekê KCDK-E Yuksel Koçî vat: ''Ma ewro ganî kongreya xo bikerdêne la ameye qedexekerdene. No qerar goreyê huqûqê Almanya nêyo. Hukmatê almanî huqûq binpay kerd. Konseya Ewropa tim qala demokrasî û azadîye kena. Rojhelatê Mîyanênî de şarê Kurdîstanî nê ercan paweno. Qey şima paştî kurdan nêdanê? Şima se kenê bikerê, şima do meeşkê têkoşînê ma rê asteng bê. Ewro dostê ma kişta ma de yê. Welatanê cîya cîyayan ra temsîlkarê dezgehan û sîyasetmerdarê ewropayîjî tîya de yê. Seserra 20. de seba ke ma yew nêbê Kurdîstan ame letekerdene. Seserra 21. de ma do pê yewbîyayîşî Kurdîstanî bikerê yew.''

Hemsereka KCDK-E Fatoş Goksugur zî vat: ''Dewleta Almanya qey ma ra tersena? Ma 409 dezgeh 4 mîlyon kurdan temsîl kenê.  Nika dormeyê ma de bi seyan polîsî estê. Konfederasyonê ma goreyê qanûnanê Ewropa ame ronayene û heqê ci esto he her welatê Ewropade  kongreya xo bikero. Grûba Haştîye ke şîye Başûrê Kurdîstanî ameye astengkerdene. Qey? Almanya îşxalê dewleta tirke yê vera başûrê Kurdîstanî paweno? Ma qedexeyê kongre şermezar kenê.''

Hemsereka KON-MEDî Zebeyde Zumrut zî vist vîrî ke ê rîyê qedexe zextan ê Tirkîya ameyî surgunkerdene û vat: ''Mi vatêne qey Almaya dewletêka demokrate û sosyal a. La pê nê qedexeyî ma vînenê ke metodê înan û Erdoganî sey yewbînan ê.''

Reyna qiseykerdoxanê bînan zî polîtîkaya hêrişkare ya dewleta Almanya ya vera kurdan şermezar kerde û bale ante têkoşînê kurdan ê heqdarî ser.

Badê qiseykerdişan mîtîngo ke xeylêk endamê KCDK-E estbî açarya kongre. Kongre de îdare û hemserekê neweyî ameyî vîjnayene. Hemserekîye rê Fatoş Goksugur û Yuksel Koç ameyî vîjnayene. Îdere rê  hemserekê KON-MEDî Zubeyde Zumrut Engîn Sever, Nadîy Salih, Hamît Bîten, Nusele Aydogan, Murat Ceylan, Ahmet Kobanî, Heyetê Çimdarî rê Îsmaîl Parmaksiz û Heyetê Dîsîplînî rê zî Cuma Îsvîçre û Vedat Bîngol ameyî vîjnayene.

Îdareyê neweyî qiseykerdişê spaskerdişî de sozê pîlkerdişê têkoşînî da.