Kongreya Komelê Demokratîkî ya Kurdan a Ewropa (KCDK-E) bi eşkerayîyêka nuştekîye vera xespkerdişê îradeyê şarê Colêmergî nêrazîbîyayîşê xo mojna.

KCD-E vat: ''Îqtîdarê AKP-MHPyî weçînayîşanê 31ê adare de bin kewt û nika zî qesasê binkewtişê xo şarê kurdî ra gêno. Hemşaredarê Colemêrgî Mehmet Siddik Akiş erkî ra ame girewtene û herinda ey de qeyûm ame tayînkerdene.

No xespkerdişê îradeyî raşta raşte bi hêrişanê îşxalî yê vera Rojawanî û Herêmanê Pawitişî yê Medya eleqedar o. Îqtîdaro ke dişmenê kurdan o tim îradeyê şarê kurdî peygoş keno.

Ma do vera darbeya qeyûman, hêrişanê îşxalî yê vera Rojawan û Herêmanê Pawitişî yê Medya her ca de têkoşînê xo pîlêr bikerê, bi serewedaritişî tecrîdî bişiknê.

Ma do bi pîlkerdişê têkoşînê xo vera nê hêrişan Ewropa Ewropa, Avusturalya û Kanada de cewab bidê. Ma venga pêro şarê kurdî û dostanê ma danê ke her ca de wurzê payan ser û vejîyê waran.''