Îdarekarê Heyva Sor a Kurdîstanî Şex Mûsayo efrînijî ewro bajarê Bonnî yê Almanya de nêweşxaneyo ke tede tedawî dîyene de  dinyaya xo bedilnaye.

Şêx Mûsayo (67) ke mengêke verî  rîyê janê Korona ra nêweşxane rê amebi wedarnayene ewro saetanê nêmroje de dinyaya xo bedilnaye.

Şêx Mûsayo ke mîyanê ronayoxanê Heyva Sor a Kurdîstanî ca geno 27 serrî tîya xizmet kerd ke bitaybetî hetê şarê Rojawan û Başûrê Kurdîstanî ra hole nêzdî ra yeno naskerdene.

Şêx Mûsayî bi serran o kurdîstanijê ke rîyê hêrişê îşxalî û felekatanê tebîî ra tengayî ancenê înan rê pê kampanyayanê Heyva Sor a Kurdîstanî hetkarî kerdêne.