Kenan Ayaz 15ê adare de wexto ke Meydanê Teyarayan ê Larnaka ra şîyêne zîyaretê keyeyê xo Swêdî hetê polîsanê Kibrisî ra amebi destbendkerdene. Mehkemeya Larnaka roniştişê 19ê nîsane de bire daye ke Ayaz wa teslîmê Almanya bêro kerdene û rayîrê îtîrazê Mehkemeya Berze akerde verda.

Ayazî Zîndanê Lefkoşa de rojnameyê Simerinî yê Kibrisî rê qisey kerd. Ayazî roportajê xo de bale ante qederê kurdan ser.

Ayazî vat: ''Seke zanîyeno Tirkîya de weçînayîşî est ê. Erdogan seba ke weçînayîşan de ser bikewo yeno waştene ke ez bêra teslîmkerdene. Eke ez bêra teslîmkerdene no do Erdoganî rê bibo xelate. Ez seba azadîya şarê kurdî û şaran têkoşîn kena. Pêro karê mi qanûnî bîyî. Mi sûcêk nêkerd. Îdîayê ke Almanya mi pê sûcdar kena bêdelîl ê. Almanya waştişê Tirkîya ser o têgêrena. Ez Tirkîya de zî dewaya KCKyî de ameya muhakemekerdene û heman îdîayî pêşkêşê mi ameyî kerdene. Tirkîya Ewropa ra wazena ke mi teslîm bikera. Seba ke Tirkîya warê huqûqî de nêeşkena mi Kibrisî ra biwaza, Almanya ra wazena.''