Çalakîya 'Nobeta Azadîye' ke seba azadîya Rayberê Şarê Kurdî Abdullah Ocalanî 25ê hezîrana 2012î ra nata verê Konseya Ewropa ya Strasbourgî ya Fransa de yena kerdene hewteyê 422. de ya. Çalakîye pê komeka newe dewam kena.

Îdarekarê Dezgehê Keyeyanê Şehîdan (KOMAW) nobetdarê nê hewteyî yê. Mîyanê kome de Lokman Arslan, Vebîya Oltan, Yildiz Arslan û Selîm Oltan estê. Nameyê kome ser o Lokman Oltanî qisey kerd û îfade kerd ke serre ê tewrê çalakîye benê. Oltanî vat: ''Rayberê ma temsîlkarê şehîdan o.''

Oltanî ard ziwan ke Komîteya Vergirewtişê Îşkenceyî (CPT) na babete de mesuldarîya xo nêarde ca. Oltanî vat: Ma venga CPt û dezgehanê bînan danê ke hînî xo mexepînê. Rolê xo bîyarê ca. Şarê kurd her roje dejeno.''

Oltanî da zanayene ke şarê kurdî têna pê wayîrvejîyayîşê Ocalanî eşkeno azad bibo.