Sîyasetmedaro kurd Kenan Ayaz 15ê adare de Meydanê Teyarayan ê Larnaka yê Kibrisî de tepişîyabi. 19ê nîsane de Mehkemeya Larnaka bire dabî ke Kenan Ayaz teslîmê Almanya do bêro kerdene la rayîrê îtîrazî akerde verdabi. 

Îtîrazî ser o Mehkemeya Berze ya Kibrisî de 9ê gulane de newe ra roniştişê dewa ame kerdene û bira dewa ewro ameye eşkerakerdene. Mehkemeya Berze ya Kibrisî bire daye ke sîyasetmedaro kurd Kenan Ayaz Almanya rê bêro îadekerdene.

Bire ra verî polîsanê Kibrisî verê Merkezê Komelê Kurdan de hêrişê xeyma edaletî kerd û kekê Ayazî Îbrahîm Ayaz, rojnameger Baran Hebûn û Mehmet Uçaş destbend kerdî.

Kenan Ayaz 4ê gulane ra nata vera bira îade grevê vêşanîye de yo. 

Hetê bînî ra rêxistinanê kurdan, ruman, îdarekaranê Merkezê Kulturê Kurdan ê Theofilosî û enternasyonalîstan bi eşkerayîyêka hempare pare kerd ke dewleta Almanya waştişê Tirkîya ser o têgêrena û bira Mehkemeya Kibrisî neheq a.