Çalakîya kurdîstanijan a ke şaristanê Kielî yê Almanya de bi armancê protestokerdişê hêrişanê dewleta tirke her roja çareşemeyî yena kerdene, vizêr zî dewam kerd.

Çalakîye bi deqayêkê rêzgirewtişî dest pêkerde û çalakîye de alayê YPG, YPJ û QSDyî ameyî akerdene. Çalakîye hêrişê dewleta tirke yê vera Kurdîstanî ameyî şermezarkerdene û selam ame dayene Cengê Heftanînî. 

Qiseykerdişan de bale ameye antene ser ke Tirkîya û Kurdîstan de bi destê dewlete cinîyan ser o sîyasetêko gemarin yeno kerdene. Çalakîkeran îfade kerd ke dewlete tecawuzkeran pawena û vat: ''Hukmat îflas kerdo nika zî vera ma hîşmendîya tecawuzkere şuxilnena.''

Çalakîye de sloganê sey 'Kiştox Erdogan', 'Biciwîyo Xoverdayîşê Heftanînî' û 'Biciwîyo Serek Apo' ameyî berzkerdene.