Bajarê Kielî yê Almanya de kurdîstanijan û dostanê înan sey her çarşambayî vizêr zî hêrişê îşxalî yê dewleta tirke yê vera Kurdîstanî û tecrîdê serê Rayberê Şarê Kurdî Abdullah Ocalanî bi çalakîyêke şermezar kerdî.

Çalakî de bale ameye antene serê têkoşînê kurdan yê vera hêrişê tirkan û ame waştene ke wa nê têkoşînî rê wayîr bêro vejîyayene. Qiseykerdişan de ame vatene ke rixmê heme hêrişan kurdê ke xover danê gerek têna merê verdayene. Çalakî de bi sloganan hêrişê îşxalî yê dewleta tirke ame şermezarkerdene, xoverdayîşê Heftanînî ame selamkerdene û azadîya Ocalanî ameye waştene.