Bajarê Leverkusenî ya Almanya de Festîvala Zîlane ya 19ine ameye kerdene. Festîvale de mesajê KJKyî ame wendene.

KJKyî festivale selam kerd û nê vatî: “Ma serra 2025 de bi Manîfestoya Xelisnayîşê Cinîyan ê Seserra 21. ya Rayber Apoyî game eşt. Ma nê manifesto sey vengdayîşêkî qebul kenê; seba ke şorişê cinîyan xurtêr bikerê erme bi erme rayra şinê. Ma sey cinîyan ê xoverdayoxan pêro pîya Rayber Apoyî selam kenê. Rayber Apoyî dewro ke ma tede ciwîyenê sey Ronesansê cinîyan, Roşnbîyayîşê Cinîya Azade girewt dest, heme wextî vilkinayî kerdî wisar û bi têkoşînê azadîye tacîdar kerd. Cinîyî bi qerardarîya serkêşîya Vengdayîşê Haştîye û Komelê Demokratîkî yê Rayber Apoyî çar hetanê Kurdîstanî welatanê Ewropa de vejîyayî waran. Cinîyê kurdan ewro her wextî ra zafêr semedê ronayîşê komelê demokatîk û azadî qerardar ê. Ma sey KJKyî cinîyê ke nê rayîr de xover danê, ma înan selam kenê. 

Ewro slogana ‘Jin Jiyan Azadî’ vera her qeyde şîdetî bîya serbeno hempar ê têkoşînî. Eynî wextî de semedê cinîyan bîya manifestoya hempare. Vengdayîşanê peyênan ê Rayber Apoyî têkoşînê azadîye yê cinîyan û mîsyonê înan girdêr kerd. Coka Gerek ma dahîna zaf fîkranê Rayber Apoyî biwanê, sero munaqeşe bikerê û bikerê pusulaya cuyeya xo. Gerek ma xo rayîrê şorişê cinîyan de hêzdar bikerê. Ma xo vîra mekerê ke; bi şorişê cinîyan û ronesansê ci pêro zemanî yê ma yê. Cinîyî semedê azadîye tarîx nusenê, estbîyayîşê xo her roje newe ra înşa kenê. Ma zî do bibê vengê cinîyan û têkoşînê înan rê serkêşîye bikerê. Ça de cinîyêke semedê azadîye biqîre ma do ûca bi. Çunke ma zanê ke cinîyî dinya do azad bikerê û ameyoxî roşn bikerê. Ma reyna heme cinîyan û pêro tewrbîyayoxanê festîvale bi heskerdiş û selam kenê, vanê bi Jin, Jiyan, Azadî ameyox yê ma yo! "