Cemal Kobanê yo ke pîya bi Omer Bagdûr, Şîyar Xelîl û Mele Mustefa Tûzakî paytext Berlîn de seba wedartişê tecrîdê serê Rayberê Şarê Kurdî Abdullah Ocalanî grevê vêşanîye de yo, saetanê nîmrojî de halê ci bi giran.

Kobanêyo ke nefese ci bi teng û zerrîya ci bênîzam û leze da piro, veng dîya bi ambûlanse û doktoran. Kobanêyî serome qebûl nêkerde û tedawî red kerde, agêra.

Kobanêyî ANF’yî rê qisey kerd û veng da şarê Rojawanî û heme Kurdistanî û vat, “Çi çîyo ke biqewimîyo ra ez serberz a. Ez bi mergêkê winasî serberz a.”

Kobanêyî rixmê heme israranê doktoran de tedawî red kerde û vat, “Her çend nefesê mi zaf bîyo teng zî, mi tedawî red kerde. Moralê mi berz o, a game mi xo bi xo vat; ‘Eke merg bêro wa bi nê hawayî bo.’”

Kobanê veng da şarê Kurdistanî ke hîna zaf çalakwanan rê wayîr vejîyê û vat, “Tecrîd ancax bi xoverdayîşê topyekunî yê şarî biqedîyo. Xusûsen ganî şarê Rojawanî seba şikitişê tecrîdî rayraşîyayîşanê hîna pîlan virazo. Meşte ra tepîya 15 tepişteyî dest bi Rojeyê Mergî kenê. Bi umîdo ke zirar nêreso bedenê înan xoverdayîş bi ser bikewo.”

Çalakîya Cemal Kobanê û Omer Bagdûrî roja 91’ine, ya Mela Mustefa Tûzakî roja 107’ine de û ya Şîyar Xelîlî zî roja 94’ine de ya.