Merkezê Komelê Demokratîkî yê Kurdan ê Kolnî amadekarîyanê seba Rayraşîyayîşê Merkezî yê Kolnî rê bi komîteyanê 8 herêmanê cîyayan dewam keno. 

Merkezê Komelê Demokratîkî ra Ridwan Dimîlîyî  ard ziwan ke amadekarîyê înan tay mend ke biqedê û înan heta nika 10 hezar broşur û vilawekî vila kerdî. Dimîlîyî vat: ''Heta 16ê sibate ma kenê ke 10 hezar vilawekanê bînan vila bikerê. Eke ma wazenê Rayber Apo azad bibo o çax ganî ma  verê xo bidê Kolnî.''

Meclîsê Cinîyan ê Vîyane ra Sîdare Ayhan zî bale ante tecrîdê Îmraliyî ser û vat: ''Ma venga şarê xo danê ke 17ê sibate de tewrê rayraşîyayîşê Kolnî bibo. Ma Rayberê xo û şarê xo azad bikerê.''

Meclîsê Vîyane ra Cemîle Bokan vat: ''Rayber Apo binê tecrîdêkê giranî de yo. Merdimê ma yê çar parçeyan ganî 17ê sibate de beşdarê rayraşîyayîşê Kolnî bibê.''

Meclîsê Vîyane ra Yildize Fîlîmcî vat: ''Ganî çew keye de nêmano. Kurdî ganî kargehanê xo biqefilnê û tewrê rayraşîyayîşî bibê. Sere de şarê kurdî wa pêro koçberî, çepgîrê almanî û sosyalîstanê almanî wa verê xo bidê Kolnî.''