Bajarê Kolnî yê Almanya roja pancşemeyî çalakîya xeyme ya Ocalanî rê azadîye ameye destpêkerdene. Çalakîya hîrê rojane de derheqê felsefeya Ocalanî û tecrîdê Îmraliyî de bi vilavokan zanayîş ame dayene. Çalakî vizêr bi rayraşîyayîşêkî qedîyaye.

Çalakwanan seba ke destûr nêdîya çalakîya xeyme de posterê Ocalanî bêrê akerdene bi çalakîya roniştişî ya 10 deqayan şermezar kerd. Qiseykerdişan de xoverdayîşê Heftanînî û Şorişê Rojawanî ameyî selamkerdene û ame vatene ke şarê kurdî peyê paşta gerîlayanê xo de yo û heta azadîya Ocalanî û serkewtişî ê do têkoşîn bikerê.