Şaristanê Kolnî yê Almanya de şehîdê heman keyeyî Hişyar Çelê, Şahan Gever û Feryat Buldan bi merasîmêkê pîlî ameyî yadkerdene.

Merasîm Merkezê Komelê Demokratîkî yê Kurdan de ame kerdene. Keyeyê Çelêyî zî Kampa Multecîyan a Mexmûrî ra mesajêk şawit û da zanayene ke Çelê wayîrê ruhê fedayî bi.

Dadîya Şahan Geverî Hatîce Buldan mektubêke şawite merasîmî û da zanayene ke ê pê şehadetê lajê xo zaf dejayê. Dadî û babîyê Feryat Buldanî Gulê Buldan û Azad Buldanî mesajê bi vîdeoyî şawit û vat ke ê pê lajê xo sereberz ê.

Nameyê KOMAWî ser o Şengê Kahraman ard ziwan ke ê do qetî verê hêrişanê dişmenî de aciz nêbê. 

Hunermende Sosine Buldan dîyar kerd ke sey keyeyê Buldanî ê do heta peynî perwerê şehîdan û Rayberê Şarê Kurdî abdullah Ocalanî bê.

Hunermendî Hozan Şemdîn, Bermal Çem, Beser Şahin, Hekîm Sefkan, Cewad Merwanî, Binevş û Deniz Deman zî tewrê merasîmî bîyî.