Şaristanê Kolnî yê Almanya de û ê Lavrio yê Yunanîstanî de şehîdê menga gulane ameyî yadkerdene.

Koln

Şaristanê Kolnî yê Almanya de rayberê Têgêrayîşê Azadîye yê Kurdîstanî û şorişgêrê Tirkîya yê ke menga gulane de şehîd bîyî pê çalakîyêke ameyî yadkerdene.Çalakîye rayberîya Partizan, ADHK, MLDPyî ra ameye serûberkerdene. Endamê Merkezê Komelê Demokratîkî yê Kurdan ê Kolnî, AGÎF û Dinyaya Newe zî tewrê çalakîye bîyî. Qiseykerdişan de bale ameye antene mîrasê rayberan ê şorişgêran.

Lavrio

Kampa Lavrio de zî pê posteranê Rayberê Şarê Kurdî Abdullah Ocalanî û alayanê PKK û KCKyî şehîdê menga gulane ameyî yadkerdene. Merasîmê yadkerdişî de fotografê şehîdan ê şorişgêran ameyî berzkerdene û wextê rêzgirewtişî de ''Çerxa Şoreşê'' ameye wendene.

Salîha Efrîn merasîm de nameyê keyeyanê şehîdan ser o qisey kerd û îfade kerd ke şarê kurdî pê keda şehîdan resa safhaya ewroyêne.

Sîyasetmedar Xalo Ahmedî zî qisey kerd û vat: ''Şehîdan mojna ma ke şehîdan senî xo ver da û seba ke ma layîqê înan bibê senî têkoşîn bikerê. Perwerîya seba Hakî Karerî û şehîdan hewxeyê ney o.''

Dima zî şîîra Şehîd Alî Temelî ya bi nameyê ''Amed'' ameye wendene. Mojnayîşê sînevîzyonêkî ra dima merasîm pê sloganan qedîya.