Çalakîya 'Nobeta Azadîya Ocalanî' 25ê hezîrane 2012î de şaristanê Strasbourgî yê Fransa de dîyabî destpêkerdene. Hewteyê 476. de 'Nobeta Ocalanî rê Azadîye' hetê koma Berlinî ra ameye dewrgirewtene ke kome de kurdîstanijî Mazlum Karagoz, Veysî Oruç û Mustafa Yorganci ca gênê.

Kome ser o Mevlut Înceyî qisey kerd û pare kerd ke Rayberê Şarê Kurdî Abdullah Ocalanî ser o îşkenceyo giran esto. Înceyî vat: ''Welatê Ewropa benê hemparê sûcê îşkenceyî yê Tirkîya. Heta ke Rayberîya ma azad nêba ma zî azad nêbenê. Şarê kurdî xoverdayîşê xo qetî biresno azadîya xo. Vera şerê topyekûnî ganî şarê kurdî bi hawayêkê topyekûnî xo ver bido. Ma bêvengîya Ewropa ya vera hêrişanê kurdan şermezar kenê. Ma xoverdayîşê gerîlayan û ê zîndanan  selam kenê û vanê ke Rayberîye xeta ma ya sûr a. Wa kurdî wayîrê na nobete vejîyê.''