Çalakîya Nobete ya ke seba azadîya Rayberê Şarê Kurdî Abdullah Ocalanî 12 serrî yo Strasbourg de yena kerdene, hewteyê 610. de hetê koma Bremenî ra ameye dewrgirewtene.

Koma Bremenî de kurdîstanijî ÎShan Yilmaz, Abdullah Sonay û Kazim Çîçek cagênê.

Îshan Yilmazî nameyê kome ser o qisey kerd vist vîrî ke 12 serrî yo Nobeta Azadîye dewam kena. Yilmazî vat: ''Seba ke tecrîdê vera Rayberîye bêro wedaritene ganî şarê ma hîna zaf hîsger bibo. Heta ke tecrîd û esaret dewam bikerê ganî zerrîya ma zî rehet nêkera.''

Yilmazî da zanayene ke seba ke hêvîya haştîye nêqeda ganî tecrîdê Îmraliyî bêro wedaritene. Yilmazî venga roşnvîranê tirkan da ke seba haştîye cade têbigêrê.

Yilmazî vat: ''Seba ke Rayberîye de bêro roniştene û prosesê haştîye dest pêbikero ganî Rayberê ma azad bibo.''