Nobeta 'Rayberê Şarê Kurdî Abdullah Ocalanî rê Azadîye' ya ke şaristanê Strasbourgî yê Fransa de yena kerdene, hewteyê 574. de bi koma Creilî dewam kena. 

Kome de kurdîstanijî Mahmut Çelebî, Şafî Çelebî û Ganî Işik cagênê.

Mahmut Çelebîyî nameyê kome ser o qisey kerd û vist vîrî ke Nobeta Azadîye kewta serra 12. Çelebîyî vat: ''Ma wextêkê dergî ra nata Rayberîya xo ra xeberêke nêgênê. Ma nê tecrîdê dewleta tirke û bêvengîya dezgehanê sey CPTyî şermezar kenê. Ganî verê hêrişanê dewleta tirke yê vera Rojawanî bêro girewtene. Seba ma tek rayîr têkoşîn o, yewî ya. Ma venga şarê kurdî danê ke wa têkoşîn bikero.''