Koma Dostanîya bi Kurdan Parlementoya Ewropa û hukmatê Iraqî rê mektubêke erşawite û hîşyar kerd ke Şingal de vilakerdişê kontrolê merkezî yê Iraqî bitehluke yo. Mektube de bale ameye antene mesuldarîya PDKyî ser.
Endamanê Koma Dostanîya bi Kurdan a Parlamentoya Ewropa (PE) François Alfonsi, Andreas Schieder û iNicolaj Villumsen pê mektubêke bale ante rewşa Şingalî ser. Metube erşawîyaye Serserfîrîya Iraqî ya Yewîya Ewropa (YE) Sadiq Alrikabi, Sereka Delegasyonî ya Têkilîyanê Iraqî yê YE Sara Skytteda û Raportorê Iraqî yê YE Mick Wallace.
Mektube de bale ameye antene ser ke krîzê mabênê şarê Şingalî û hukmatê Iraqî aramîya herême visneno binê tehlukeyî. Kome ard ziwan ke êzidîyan Şingal de îdareyê xo yo xoser na ro û waştişê Iraqî yê feshkerdişê hêzanê Şingalî goreyê demokrasî nîyo.
Mektube peymana Hewlêr-Bexdadî ya serê Şingalî vistî vîrî û da zanayene ke şingalijî PDK sey hêzanê xo nêvînenê. Mektube de venga PDK û hukmatê Iraqî ame dayene ke xoserîya Şingalî û hêzanê pawitişî yê Şingalî bişinasê.
