Koma Dostanîya Kurdan a Parlamentoyê Ewropa: Hêrişî wa vinderê

Koma Dostanîya Kurdan a Parlamentoyê Ewropa kombîyayîşê çapemenîye de waşt ke wa hêrişê dewleta tirke bêrê vindarnayene.

Koma Dostanîya Kurdan a Parlamentoyê Ewropa Strasbourg de parlamento de kombîyayîşêkê çapemenîye viraşt û pare kerd ke dewleta tirke sûcanê şerî kena, merdimanê sivîlan qetil kena û vera peyman û huqûqê mîyanneteweyî têgêrena.

Vervatoxê koma Sosyal-Demokratan a Avusturya Andreas Shider, Hetkarê Serekê Koma Çepe û Koordînatoranê Koma Dostanîya Kurdan Nikolaj Willamson, Koma Ewropa ya Azade ra Fransua Alfonsi, Koma Sosyal Demokrate ra Evîne Încîr û Koma Keskan ra Katrine Langesiepen beşdarê kombîyayîşî bîyî.

Andreas Shiderî hêrişê Erdogan û Îranî şermezar kerdî û venga Yewîya Ewropa û dezgehanê Yewîya Ewropa da ke vera nê hêrişan têbigêrê.

Nikolaj Willamsonî ard ziwan ke hêrişê Erdoganî vera têkoşînê DAÎŞî derb ê û vat ke ganî Yewîya Ewropa vera Tirkîya ambargo bikera.

Evîne Încîr zî venga rayaumûmîya mîyanneteweyîye da ke wa cade têbigêra û kurdan bipawa.