Nobeta Azadîye  ya ke semedê azadîya fîzîkîye ya Rayberê Şarê Kurdî Abdullah Ocalanî  25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 566. de dewam kena.

Çalakîkerê nê hewteyî  Koma Luzernî ya. Kome de kurdîstanijî Ercan Guneş, Gokhat Babayîgît û Abdurrahman Îlbaş cagênê.

Ercan Guneşî nameyê kome ser o qisey kerd û vist vîrî ke seba azadîya Rayberê Şarê Kurdî ê 11 serrî yo nobete gêbê Guneşî vat: ''Rayber Apo rixmo ke 25 serrî yo binê tecrîdî de yo, pê fikranê xo yê demokratîkan pêro Rojhelatê Mîyanênî roşnî keno. Di serrî yo vera Rayberê ma tecrîdêko giran yeno caardene. Şexsê Rayber Apoyî de şarê kurdî û Kurdîstan yenê tecrîdkerdene. Ma polîtîkayanê tecrîdî yê AKP-MHPyî 14ê gulane de biqedînê û mesajê haştî û azadîye bidê.''