Endamanê DKTMyî yê Salzgitterî Nobeta Azadîye ya seba Rayberê Şarê Kurdî dewr girewte û înan ard ziwan ke çalakîyê seba azadîya Ocalanî seba pêro merdimîye yê. Endaman venga her kesî da ke erkê xo bîyarê ca.
Nobeta Azadîye ya ke semedê azadîya fîzîkîye ya Rayberê Şarê Kurdî Abdullah Ocalanî 25ê hezîrana 2012yî de bajarê Strasbourgî yê Fransa de dîyaye destpêkerdene hewteyê 535. de dewam kena.
No hewte şaristanê Salzgitterî yê Almanya ra Endamanê Merkezê Komelê Demokratîkî yê Kurdan (DKTM) Demhat Atman, Yusuf Bîlîcî û Vedat Satirî nobete dewr girewte.
Demhat Atmanî kome ser o qisey kerd û vat: ''Rayberîye 23 serrî yo binê tecrîdî de yo. 3 serrî yo ey ra xebere nêna girewtene. Ma 12 serrî yo nobeta azadîye kenê. Dinya verê îradeyê kurdan de şaş bîya. Ma pê bawer ê ke Rayberîya xo azad bikerê û cewabê tewr pîlî bidê îşxalkeran ro. Ewro Rayberîye pê fikranê xo zincirî şiknayê. Çalakîya Nobeta Azadîye seba pêro merdimîye ya. Ganî pêro merdimîye seba Rayberîye wurze payan ser. Seba Rayberîye ma çita bikerê bes nêkena.''
