Nobeta Azadîye hetê Înîsîyatîfê Abdullah Ocalanî rê azadîye ra şaristanê Strasbourgî yê Fransa de 587 hewte yo yena kerdene. No hewte koma Swêdî nobete dewr girewte.

Kome de kurdîstanijî Şehmûs Çetînkaya, Ezîz Bamo û Ciwan Şahan ca gênê.

Şehmûs Çetînkayayî nameyê kome ser o qisey kerd û vist vîrî ke Rayberê Şarê Kurdî Abdullah Ocalanî ra hîrê serrî yo xeberêke nêna girewtene. Çetînkayayî venga pêro kurdîstanijan da ke seba azadîya Rayberê Şarê Kurdî bixebitê û vat: ''Ganî kurdî bibê yew.''

Ezîz Bamoyî zî vat: ''Hîrê serrî yo ma nêeşkenê Rayber Apoyî ra xeberêke bigêrê. Seba ke ma vera tecrîdî têbigêrê û vera dewleta tirke ya îşxalkere nêrazîbîyayîşê xo bimojnê tewrê na çalakîye bîyê.''