Komîteya Korsîka-Rojawanî ameye awankerdene
Girawa Korsîka ya Fransa de seba paştdayîşê Rojawanî komîteyêke ameye awankerdene.
Girawa Korsîka ya Fransa de seba paştdayîşê Rojawanî komîteyêke ameye awankerdene.
Zaf organîzasyonî ameyî têhet û Comitatu Corsica-Rojava awan kerde.
Endamê komîte roja pancşemeyî hetê Serekê Parlamentoyê Korsîka Jean-Guy Talamoni ra ameyî qebulkerdene. Komîte seba ke mesela kurdan bidê pêhesnayîşî aranc kena ke têkoşînê kurdan ser o medya de zî biba vengêk.
Hîrê waştişê komîte estê:
-Herêma Rojawanî de perayîşê teyarayan bêrê qedexekerdene
-Ekonomîyê Tirkîya bêro boykotkerdene
-NY mudaxele bikê û hêzêkê mabênkar bêro cadayene
Komîte vana ke hedefo verên ê Tirkîya no yo ke warê kurdan ê xoser çin bika.
Organîzasyonê kê komîte de ca gênê: “Per a Pace, Corsica Palestîna, Core In Fronte, PCF, PS, JC, Inseme a Manca/ ensemble à Gauche, UD CGT Corse du Sud, Utopia, L'Acellu di Corsica, Federazione Anarchica, Assocîatîon des Travaîlleurs Tunîsîens de Corse, A Macna, Squadra Technîca 98 û kesê xoserî.''