Rayraşîyayîşo Derg o ke her serre hetê ciwanan ra, seba azadîya Rayberê Şarê Kurdî Abdullah Ocalanî yeno kerdene emser mabênê 5-10ê sibate de şaristananê Heilbronn û Freiburgî yê Almanya de do bêro kerdene.

Rayraşîyayîş bi şîarê ''Seba azadîya Rayber Apoyî, bêrê têkoşînê azadîye'' do bêro kerdene.

Komîteya Amadekarîye eşkerayîyêke weşanaye û vat: ''Ma venga ciwananê kurdan danê ke dormeyê Rayber Apoyî de kom bibê. Ciwanî hêzê tewr xurt ê. Coka ma nêverdenê ke ma vindarnê! Ma benê belaya sereyê sîstemê kolonyalîst û antî-demokratîkî. Me venga pêro beşdaran danê ke beşdarê Rayraşîyayîşê Dergî yê 2023yî bibê, Rayber Apoyî azad bikerê û îradeyê Rayber Apoyî bi tek vengî berz bikerê. Şexsê Rayber Apoyî de ma venga pêro ciwanan danê ke seba azadîya cinîyan, demokrasî û ekolojî rayraşîyayîş de cabigêrê. Rayraşîyayîş do 5ê sibata 2023yî de şaristanê Heilbronnî de dest pêbikero û 10ê sibata 2023yî de Freiburg de biqedo. Bêrê bibê parçeyê rayraşîyayîşê ma yê azadîye.''