Konfederasyonê Komelanê Kurdîstanijan ê Almanya (KON-MED) kombîyayîşê xo heyetî yê serrane kerd. Kombîyayîş Merkezê Komelê Demokratîkî yê Kurdan ê Dortmundî de ame kerdene û Hemserek Tahîr Koçerî kombîyayîş de qisey kerd.

Eşkerayîya Dîwanê KON-MEDî de bale ameye antene hêrişanê qirkerdişan ê AKP-MHPyî û hemkaranê ci ser. Eşkerayîye de ame vatene ke gorê kurdan yenê hedefkerdene, cenazayan rê zulm yeno kerdene û cinîyanê kurdan rê tecawuz yeno kerdene.

Eşkerayîye de KON-MEDî vera hemkarîya mabênê dewleta tirke û îqtîdarê Hewlêrî nêrazîbîyayîşê xo mojna û na rewşe sey 'kurdan rê bêbextîye' ameye pênasekerdene.

Kombîyayîş de derheqê tecrîdê vera Rayberê Şarê Kurdî Abdullah Ocalanî de zî nê çîyî ameyî vatene: ''Sîstemê Îmraliyî mabênê kurdan ra yeno vilakerdene. Her warî de vera kurdan qirkeridş yeno kerdene. Heta ke sîstemê Îmraliyî nêro şiknayene şarê kurdî do nêeşko nefes bigêro. Wextê ci ameyo ke Rayberîye hînî azad biba.''

Hemserekê KON-MEDî Tahîr Koçerî raporê KON-MEDî wend. Rapor de nê zanayîşî dîyayî zanayene: ''Almanya de nufusê şarê ma tede 1,5 mîlyon o, meseleyê cidî yê kurdan estê. Ma her çiqad birêxistin bibê zî ma xo têna resna beşêkê şarê xo. Meclîsê Demokratîkî yê Şarî rayîrê rêxistinbîyayîşî yê.''

Temsîlkaranê dezgehan zî pare kerd ke meseleyê cinî û ciwanan nênê çarekerdene, dezgehê KON-MEDî Kurdîstan de vera şerî xebata qîme nêkenê.

39 pêşnîyazî kombîyayîş de ameyî qebulkerdene.

14 meclîsan rê dokumentê serkewtişî ameyî dayene.