Konfederasyonê Komelanê Kurdîstanijan ê Almanya (KON-MED) kongreya xo ya hîrêyîne Bergisch Gladbach de kerd. Kongre dîyarîya Evîne Goyî ameye kerdene. 400 delegeyî tewrê kongre bîyî. 

Kongre de hêverî Hemserekanê KON-MEDî Zubeyde Zumrut û Engîn Severî qisey kerd.

Zumrute pare kerd ke armanc û îdîaya tewr pîle ya KON-MEDî azadkerdişê Abdullah Ocalanî û wedaritişê qedexeyê vera PKKyî yo.

Severî zî îfade kerd ke kurdî do serra 100. ya Peymana Lozanî de seba ke heqanê xo bivisnê destî têkoşînêkê pîlêrî bikerê.

Qiseykerdişan ra dima Yuksel Koç, Ayten Kaplan, Bedîa Baran û Asya Reşîd seba dîwanî ameyî weçînayene. 

Dima Hemsereka KNKyî Nîlufere Koç û Temsîlkarê PJAKî Îbrahîm Alapûrî qisey kerd û qala têkoşînê heqdarî yê PKKyî kerde.

Qiseykerdişan ra dima raporê di serran ame wendene; rexne û pêşnîyazî ameyî kerdene û xelatê xebitîyayîşî ameyî dayene. 

Kongre pê weçînayîşê hemserekanê neweyan qedîyaye. Emîne Rûken Akça û Kerem Gok kongre de bîyî hemserekê neweyî.

 Hemserekanê neweyan delegeyan rê sipas kerd û dîyar kerd ke ê do dewrê neweyî de seba azadîya kurdan bi qîmî bixebitê.