Konfederasyonê Komeleyanê Kurdîstanijan ê Almanya  (KON-MED) semedê Newroza merkezî ya ke do emser 25ê adare de şaristanê Frankfurtî yê Almanya  de bêro kerdene, veng da.

Eşkerayîye de nê ameyî vatene: ''Ma Newroza Rayberîye ya 50. çarçeweya hemleya Dem Dema Azadîye de bi slogana 'Newroza serkeftinê ya serdemê”'  25ê adare de do bi şaran açarnenê serhilananê azadîye.

Ma do Newroze bi hêrsê ke zerrîya ma do goreyê ruhhê serewedaritişê Kewayî yê vera Dehaqî sey roja faşîzmê AKP-MHPyî ra hesabpersayîşî pîroz bikerê. Ma do azadîya Rayberê Şarê Kurdî Abdullah Ocalanî bîyarê ziwan ke bi serran o binê tecrîdê giranî de yo.

Ma do derûdorê adirê Newroze de vengê haştîye berz bikerê û dej û hêrsê erdlerzî biaçarnê tekoşînî û paştîdayîşî girdêr bikerê. Ma do bi slogana Jin, Jiyan Azadî  hêvîya azadîye xurtêr bikerê.  Ma serhildanê 8ê Adare bi Newroze tacîdar bikerê û reng, coş û ruhê têkoşînê xo bikirişê Newroze û na Newroze bikerê Newroza azadîya Rayber Apoyî.

Newroze newe ra ganîbîyayîş o. Ma veng danê heme şarê xo waranê Newroze de wa vera zaliman derûdorê adirê azadîye yê Newroze de bêro têhet. Semedê xurtkerdişê yewîya neteweyî û pawitişê destkewteyanê xo, vera îşxalî û bi ruhê seferberîye 25ê adare de Frankfurt de bêrê têhet û Newroza merkezî pîroz bikerê.''