Konferansê Haştîye û Demokrasîyî yê Berlinî bi panelê ''Qirkerdişê komel, cinîyan û ekolojî'' roja diyîne de dewam kerd.

Panel de bi moderatorîya Ertugrul Mavîyî rojnamegere û aktîvîsta Jineolojî Elife Kaya, Dr. Latîfe Akyuz û Endamê Têgêrayîşê Ekolojî yê Mezopotamya Necmettîn Turkî qisey kerd.

Elîfe Kaya bale ante qirkerdişê cinîyan ser û vat: ''Polîtîlkayanê otorîteran ê Tirkîya tedaya cinîyan kena û bedenê cinîyan şer de sey hacetêkî şuxilîyenê. Serebûtê ke 1938 de Dêrsim de qewimîyabî û 2015 de amebî sereyê cenazaya Ekîne Wan mojnenê ke bedenê cinîyan seba afernayîşê tersî û xorinkerdişê hişê qirkerdişî şuxilîyenê.''

Endamê Têgêrayîşê Ekolojî Turkî pare kerd ke çinkerdişê ekosîstemî hêrişê vera estbîyayîşê kurdan o û vat: ''Polîtîkayê dewletanê kolonyalîstan ê Kurdîstanî sey hacetêkî seba qirkerdişê kulturelî şuxilîyenê. Qirkerdişo ekolojîk ganî sey sûcê vera merdimatîye bêro qebulkerdene.''

Dr. Latîfe Akyuz vist vîrî ke polîtîkayanê peyê 2016î yê Tirkîya kerd ke entelektuel û akademîsyenî koçê welatanê bînan bikerê.  Akyuze vat: ''No zî yew tîpê qirkerdişê kulturelî yo. Surgunkerdişê akademîsyen û entelektuelan seba çinkerdişê tarîxî û komelî yo.''