Bi wesîleya serrgêra 100. ya Pêkerdişê Lozanî  bi şîarê 'Serra 100. ya Pêkerdişê Lozanî de ma sey kurdan û kurdîstanijan Lozan de yê û ma Pêkerdişê Lozanî qebul nêkenê!' Salona Kongre ya  Beaulieuyî ya Lozanî de konferansêk yena kerdene. 4 parçeyanê Kurdîstanî ra tewr tay 600 delegeyî tewrê konferansî benê.

Roja diyînî ya konferansê Lozanî de babeta 'Serra 100. ya Peymana Lozanî-Pespektîfê Cinîyan ê Kurdan ra Ercnayîşê Kolonyalîzmî' ameye nîqaşkerdene.

Moderatorîya panelî Kurdê Omer û Sehere Aydar kenê. Zanîngehê Bremenî ra Munevvere Azîzoglu û Berpirsîyara Dezgehanê Cinîyan ê Silêmanî Nermîne Osman sey qiseykerdoxan beşdarê konferansî bîyî. 

Sehere Aydar destpêkê panelî de qisey kerd û ard ziwan ke têkoşînê cinîyan ê kurdan xoser û tarîxî yo. Aydare vat: ''Cinîyê kurdî tarîx de raştê polîtîkayanê netîceyanê Lozanî bîyî.''

Panelîsre Munevvere Azîzoglu vist vîrî ke 100 serrî verî Kurdîstan bi Peymana Lozanî ame parçekerdene la kurdan qetî na peymane qebul nêkerde. Munevvere vat: ''Cinîyan ê kurdan bi felseya 'Jin, Jiyan, Azadî' ya Ocalanî vera Peymana Lozanî û qirkerdişê cinîyan têkoşîn da destpêkerdene.''

Nermîne Osman zî qala tesîranê Peymana Lozanî yê serê cinîyanê Kurdîstan û Rojhelatê Mîyanênî kerde. Nermîne Osman tarîxî ra mîsal da û bale ante tradîsyonê têkoşînî yê cinîyan ê kurdan ser. Nermîne Osman vat ke averşîyayîşê ziwan û kulturê kurdan de têkoşînê cinîyan ê kurdan wayîrê cayêkê girîngî yo.