Paytextê Îtalya Roma de ‘’Konferansê Abdullah Ocalanî rê Azadîye, Meseleya Kurdan rê Çareserîye’’ dewam keno. 16 welatan ra 300 kesî beşdarê konferansî benê.

Roja diyîne yê konferansî de panelê yewinî de hêverî avûkat Rengîn Ergulî qisey kerd. Ergulî îfade kerd ke ganî prosesê muhakemebîyayîşê Rayber Apoyî newe ra bêro ercnayene û heqê hêvîye bêro caardene.

Avûkatanê Buroyê Asrinî ra Faîk Ozgur Erolî ard ziwan ke Rayber Apoyî Îmrali de paradîgmaya xo ya newîye aver berde û na paradîgma eşkena pêro meseleyan çareser bikera.

Panelê bînî de Wekîla DEM Partî Pervîne Buldan qisey kerd û da zanayene ke pêvînayîşanê bi Rayber apoyî yê emserênan firsend da ke hêvîya haştîye vejîya werte. Pervîne derheqê pêvînayîşê Heyetê Îmraliyî yê bi Erdoganî de detayî dayî û vat ke rayîrê haştîye de gamê pozîtîfî erzîyenê.

Wekîlê HDPyî yê verênî Îdrîs Balukenî dîyar kerd ke proseso 2013-2015î seba ke îqtîdarî gamê hewceyî nêeştibî qedîyabi û coka nê prosesî de gamê hukmatî girîng do bibê. Balukenî vat: ‘’Birêz Ocalanî pozîsyonê lîderê prosesî de yo û ganî o hinî azad bibo.’’

Temsîlkara Îdareyê Xoserî yê Rojawanî Foza Yûsif ard ziwan ke Şorişê Rojawanî bi vurnayîşê ferasetî ameyo awankerdene.