Têgêrayîşê Ciwanan ê Şorişgêran şaristanê Bernî yê Swîsre de bi şîarê 'Seba azadîya Rayber Apoyî pîya serewedaritiş'  konferansê xo yo yewîn kerd. Konferans de verî şexsê Rûmet Hêvî Şoriş de ke 19ê tebaxe de Metîna de şehîd bi pêro şehîdî ameyî yadkerdene û seba şehîdan deqayêk rêz ame girewtene. Weçînayîşê Dîwanî ra dima rojdemê konferansî ame eşkerakerdene. Ciwanan da zanayene ke hedefê înan o verên caardişê azadîya Rayberê Şarê Kurdî Abdullah Ocalanî yo.

Konferans de temsîlkaranê Komelê Demokratîkî yê Kurdan ê Swîsre (CDK-S), Têgêrayîşê Cinîyan ê Kurdan ê Swîare (YJK-S) û Mayanê Haştîye, Revolutionäre Jugend Gruppe Bern qisey kerd.

Sîyasetmedarê kurdî Mustafa Sarikayayî zî konferans de qisey kerd û vat: ''Ewro paradîgmaya Rayber Apoyî ra berî yew garantîya ma çin a. Eke ma wayîrê na paradîgma vejîyê ma do bibê hêzê rayberî û erdê xo de bi azadî biciwîye.''

Endamê Konseya Rayberdişî ya KCKyî Mustafa Karasuyî zî bi vîdeo konferans de qisey kerd. Konferans de ciwanan koordînasyonê xo yê çalakî û aktîvîteyan weçîna.

Peynîya konferansî de sînevîzyonêk ame mojnayene. Konferans bi slogananê 'Biciwîyo Rayber Apo', 'Cinîye, Cuye, Azadîye' û 'Pîya serewedaritiş' qedîya.