Paytextê Fransa Paris de çarçewa Hemleya Azadîye de bi şîarê ''Vera Komployê Mîyanneteweyîyî Têkoşînê Enternasyonalîstî'' seba paştdayîşê tepişteyanê sîyasîyan û Adbullah Ocalanî konserêk ame kerdene.

Konser serkêşîya CDK-F, TJK-F, Sendîkaya Solidiaresî û xeylêk dezgeh û rêxistinan de Qesra Kongreya Montreuilî de ame kerdene.

Hemserekanê CDK-Fyî Bêrîvane Firat û Baran Karayî konser de pêşkêşwanîye kerde. Eşkerayîye zî hetê Şahîn Polatî ra ameye wendene. Eşkerayîye de bale ameye antene tecrîdê Îmraliyî ser û ame vatene ke ganî Hemleya Azadîye bêra pîlêrkerdene. Konser de venga pêro kesan dîya ke binê Konfederalîzmê Demokratîkî de bêrê yewca.

Konser de Mouss & Hakim, Rodolphe Burger, Sofiane Saidi, Mehdi Haddab, Mademoiselle, Firmesk, Xelîl Xemgîn, Hekîm Sefkan û Hozan Comerd vejîyayî sehne ser.