Bajarê Dusseldorfî yê Almanya de bi vengdayîşê Defend Kurdîstanî çar hetanê Almanya ra kurdî û dostê înan pê slogananê ''Bicicwîyo Partîya Karkeran a Kurdîstanî'' ameyî pêser. Xeylêk partî û sendîkayê almanan zî tewrê çalakîye bîyî.

Çalakwanê ke vera hêrişanê îşxalî yê dewleta tirke  û polîtîkayanê hemkarîye yê PDKyî rayra şinê bi slogananê xoverdayîşî kuçeyanê Dusseldorfî zimnenenî. Çalakîye bale ameye antene muhîmîya yewîya kurdan ser.

Wekîlê Partîya Çepe Andre Hunkoyî ke warê têhetameyîşî de qisey kerd vera astegkerdişê heyetê haştîye yo ke şi Başûrî nêrazîbîyayîş ramojna. Hunkoyî vist vîrî ke Efrîn de xeylêk cinîyî ameyî remnayene û vat eke verê hêrişanê dewleta tirke nêro girewtene do Başûrê Kurdîstanî de zî sûçê merdimîye bêrê kerdene.

Rojnameger û endamê Defend Kurdîstan û Delegasyonê Dusseldorfî Martîn Dozerî zî ard ziwan ke înan waşt ke şirê Başûrê Kurdîstanî la dewleta almanî destûrê înan nêda û vat eke hêrişê artêşa tirke û çeteyanê yê vera kurdan nêrê vindarnayene do Başûr zî bibo sey Efrînî.