Kurdan Berlin de masaya krîzî awan kerde

Meclîsê Merkezê Komelê Kurdîstanijan ê Azadan paytextê Almanya Berlin de vera vîrusê Korona seba xurtkerdişê paştdayîşê komelî masaya krîzî awan kerde.

Meclîsê Merkezê Komelê Kurdîstanijan ê Azadan paytextê Almanya Berlin de vera vîrusê Korona seba xurtkerdişê paştdayîşê komelî masaya krîzî awan kerde.

Masaya krîzî ya ke vera vîrusê Korona ameye awankerdene do bi tirkî, almankî, kurdkî zanayîş bida. Masaya krîzî do hetê madî û manewî ra paştî bida kesanê ke vîrusî ra mîyanê zor û zehmetîyan de yê.

Vervatoxê masaya krîzî Îsmaîl Parmaksizî vat: ''Weşîya şarê ma her çî ra giranêr a. Ma naye ra meclîsê xo û çalakîyê xo batal kerdî. Ma pê masa 24 saetan xizmetê şarê xo bikerê.'' Parmaksizî ard ziwan ke seba pêvînayîşî înan senatorê Weşîye yê Eyaletê Berlinî ra randevu girewt û vat: ''Ma do pêvînayîş de masaya krîzî ya vera Korona înan reyde pare bikerê û xîret bikerê ke îmkan bivirazê ke pîya bixebitê. Eke siba yan zî bîr rewşêka îstîsnayîye bivejîya meydan masaya krîzî do bikewa dewre.''

Numaraya telefonî ya Masaya Krîzî ya Meclîsê Merkezê Komelê Kurdîstanijan ê Azadan:

0177 8207121

0176 45231618

01712412052

0176 61259528

0178 3963597