Kurdan semedê Abudullah Ocalanî veng da CPTyî

Xeylêk welatanê Ewropa de kurdîstanijî û dostê înanê ke semedê Rayberê Şarê Kurdî Abdullah Ocalanî vejîyayî kuçeyan veng da CPTyî ke wa wezîfeyê xo bîyaro ca.

Xeylêk bajaranê Fransa, Almanya, Belçîka, Swêd û welatanê bînan ê Ewropa de çalakîyê semedê Rayberê Şarê Kurdî Abdullah Ocalanî dewam kenê.

Dimayo ke vizêr dereheqê rewşa weşîya Abdullah Ocalanî de îdîayî erzîyayî wertê kurdî kuçeyan de. Ewro zî xeylêk bajaran de çalakîyî ameyî kerdene û ame waştene ke wa avûkatî û keyeyê Ocalanî pêvînayîş bikerê.

Paytextê Fransa Paris de ciwanan banê France Tvyî de çalakîya bêîtaatîya sîvîle kerde.Bajarê Strasbourgî yê Fransa de zî verê Konseya Ewropa û Komîteya Vergirewtişê  Îşkenceyî  (CPT) de çalakîye ameye kerdene. Montpellier û Toulouse de zî Kurdîstanijî kuçeyan de bî.

Bi eynî waştişî Frankfurtê Almanya û paytextê Belçîka Bruksel û xeylêk bajaranê bînan ê Ewropa de kurdî û dostê înan vejîyayî kuçeyan ard ziwan Ocalan têna nîyo.

Çalakîyan de veng dîya  CPTyî  ke wa Îmraliyî de Abdullah Ocalanî zîyaret bikero û derheqê rewşa ci de zanayîş bido. Kurdîstanijan ard ziwan ke heta ke bi Ocalanî pêvînayîş nêro kerdene ê do kuçeyan de bê.

Stockholm

Paris

Montpellier 

Toulouse

Frankfurt 

 Bruksel

Strasbourg