Serekwezîrê Swêdî Olof Palmeyo ke  28ê sibata 1986î de Stockholm de kişîyabi hetê kurdan û swêdijan ra serê gorê ci de ame yadkerdene.

Kurdan çelengê bi amblemê PKKyî verê gorî de rona. Merasîmê yadkerdişî de Hemserekê KNKyî Ahmet Karamuşî pare kerd ke Palmeyî waştêne dewaya kurdan bi rayîrê haştîyane do bêra çareserkerdene û vat: ''Rixmo ke kiştoxê Olof Palmeyî ame welatê sey Tirkîya îdîa kenê ke kurdan Pelma kişto. Kurdî qetî qirkerdişêkê winasênî nêkenê.''

Hemsereka NCDKyî ya Swêdî Nadia Saleh zî îfade kerd ke polîsan o çax waşt sûcê nê kiştişî bierzê milê kurdan. Naida waşt ke wa PKK lîsteya terorî ra bêro vetene.

Wekîlê verênî Kadir Kasirgayî zî ANFyî rê vat ke hema zî hêzê ke binê tesîrê Tirkîya de nê cînayetî ra kurdan sûcdar kenê.

Kurdê bi nameyê Ahmet Yildizî vist vîrî ke kurdan Palmeyî ra hes kerdêne û abdullah Ocalanî zî vatbi ke ey Palme sey şehîdê xo vînenê.