Şaristanê Torontoyî yê Kanada de serkêşîya Meclîsê Şarê Kurdî yê Demokratîkî de hêrişê îşxalî yê dewleta tirke ameyî protestokerdene.  Çalakîye de posterê Rayberê Şarê Kurdî Abdullah Ocalanî û alayê YPG û YPJyî ameyî kiriştene.

Eşkerayîya çalakîye de ame vatene ke Erdogan vera îstîkrar û haştîya dinya gefêko pîl o û ganî vera hêrişanê serê kurdan bêvengîye bêra teriknayene. Eşkerayîye de venga ciwananê kurdan ame dayene ke bi ruhê Kobanê wayîrê Rojawan, Şingal û pêro Kurdîstanî vejîyê, hêrişanê kîmyewîyan ê dewleta tirke teşhîr bikerê. 

Çarçewa çalakîye de bi seyan vilawekî ameyî vilakerdene. Çalakîye pê slogan û çepikan qedîyaye.