Koordînasyonê KON-MEDî û Komîteya ci ya Weşîye da zanayene ke vera vîrusê Korona înan komîteyêka têkoşînî awan kerde.

KON-MEDî pêro komeleyan rê perspektîf erşawit û tebdîrê ke ganî bêrê girewtene îfade kerdî. KON-MEDî bale ante girîngîya paştdayîşî ser û seba kesanê ke keye de manenê zî seferberîya wendişê kitaban daye destpêkerdene. KON-MEDî têkilîya pandemîye û kapîtazmî viste vîrî û seba qurbananê Covid-19î pênaseyê ''Tabloyêko Bitehlûke'' kerd.

KON-MEDî pare kerd ke bi mîlyaran merdiman û xozayî rê gef yeno wendene, rewşe resaye astêkê bitehlûke û no vengdayîş kerd:''Naye ra zaf girîng o ke şarê ma xo cayanê sixletinênan ra dûrî bigêro. Nêbeno ke ma vera na rewşe bêveng bimanê. Seba ke ma şarê xo yê Almanya babeta vîrusî de zanaye bikerê, paştî bidê înan û hetkarîya weşîye bikerê ma Komîteya Têkoşînê Vera Vîrusî awan kerde.''

Ame parekerdene ke Komîteya Weşîye ya KON-MEDî 8 doktoran ra yena meydan.