Kurdanê Brîtanya Merkezê Krîzî awan kerd

Meclîsê Şarê Kurdî yê Brîtanya semedê vîrusê Korona ra Merkezê Krîzî awan kerd.

Meclîsê Şarê Kurdî yê Brîtanya vîrusê Korona ra çalakî, nawnayîşî, fîrazşayîyî û panelî batal kerdî û seba ke cewab bido hewcedarîyanê lezabezan ê komelî Merkezê Krîzî awan kerd.

Merkezê Krîzî vervatox û xebatkaranê komîsyonanê weşîye, kulturî, rêxistibnîyayîşî, çapemenîye û komîsyonanê bînan ra yeno meydan. Merkezê Krîzî do hetê Merkezê Komelê Kurdî yê Londonî ra bêro îdarekerdene.

Meclîsê Şarî yo ke bînaya merkezîye sterîlîze kerde tay birî girewtî. Bi taybetî venga komelê Kurdîstanî û Tirkîya da.

Eşkerayîye de ame parekerdene ke hûmara merdimanê ke Brîtanya de pê vîrusî kewtî resaye 1500 kesî. Ame vîrvistene ke Sîstemê Weşîye yê Brîtanya (NHS) seba nêweşan têna vato ke ''Wa 7 rojan keyeyê xo de xo îzole bikerê'' û naye ra berî berpirsîyarîyêke nêgirewte xo ser. Eşkerayîye de ame vatene ke Meclîsê Şarê Kurdî yê Brîtanya seba weşîya şarî sere de London zaf şaristanan de Merkezê Krîzî awan kerd.

Ame vatene ke Merkezê Krîzî do hetkarîya merdiman bikerê ke keyeyan de xo îzole kerd.

Numarayê telefonî û adresê Merkezê Krîzî yê Meclîsê Şarê Kurdî yê Brîtanya: "Ercan Akbal: 07424289128, Besime Bardak: 07507187771 Nejla Ari: 07780179787, Mehmet Kardu: 07734360980. Adres: 11 Portland Gardens Haringey/London N4 1HU."