Kurdê ke Ewropa de ciwîyenê bi aktîvîteyanê cîya cîyayan şehîdanê menga temmuze yad kenê.

Stockholm

Endamê Komîteya Serekîya Pêroyî ya KCKyî Dîyar Xerîbo ke 5ê temmuza 2019î de hêrişê hawayî yê dewleta tirke de şehîd bi, paytexê Stockholmî Swêd de ame yadkerdene. Merasîmê yadkerdişî Merkezê Komelê Demokratîkî yê Kurdan (NCDK) de ame kerdene. Hemserekê KNKyî Ehmet Karamus û waya Dîyar Xerîbî Şîlane Xerîb zî tewrê merasîmî bîyî.

Merasîm de Şîlane Xerîb vat: ''Dîyar Xerîb seba azadîya şarê ma cuya xo feda kerde.''

Oslo

Paytextê Norwêçî Oslo de NCDKyî de şehîdî pê merasîmêk ameyî yadkerdene. Welî Şengalîyî nameyê KCDK-E ser o qisey kerd û îfade kerd ke hîşmendîya dewlete tirke ya îşxalkere roja awankerdişê ci ra nata nêvurîyaye.

Hildesheim

Şaristanê Hildesheimî yê Almanya de hetê Keyeyanê Şehîdan ê Almanya ra NCDK de merasîmê yadkerdişî ame serûberkerdene. Merasîmî pê deqayêkê rêzgirewtişî dest pêkerde. Merasîm de derheqê şehîdan de sînevîzyonêk ame mojnayene.

Munih

Şaristanê Munihî yê Almanya de Şehîde Zîlane û qurbanê Qirkerdişê Sêwasî ameyî yadkerdene. Qiseykerdişan de ame vatene ke ganî vera îşxal û qirkerdişanê dewleta tirke her ca de kurd û bindestî pîya têbigêrê.

 Frankfurt 

Şaristanê Frankfurtî yê Almanya de zî bi aktîvîteyêke şexsê Endamê Komîteya Merkezî ya PKKyî Kasim Engîn, fermandaranê HPG û YJA Starî ra  Avasta Zîna (Hanîfe Ozdemir) ke Dêrsim de şehîd bîye, û  Seyîd Rizayo (Cem Cevik) ke 2016 de Rojawan de şehîd kewt de şehîdî ameyî vîrardene.

Ulm

Şaristanê Ulmî yê Almanya de Merkezê Kulturî yê Tohumî de qurbanê Qirkerdişê Sêwasî ameyî yadkerdene. Rojnameger û nuştox Ahmet Nesînî merasîm de proses û sebebê qirkerdişî beşdaran reyde pare kerdî.

Den Haag

Hollanda'nın Den Haag kentinde de şehitler düzenlenen bir etkinlikle anıldı.