Îdarekarê Merkezê Kulturê Kurdan û Têgêrayîşê Cinîyan ê Kurdan seba ke tewrê merasîmê cenazayanê şehîdanê Parisî bibê Londonî ra kewtî rayîr, Tunelê Folkestone Euroyî de hetê polîsanê îngilîzan ra ameyî destbendkerdene.

Wesayîto ke rojnamegere Dîrene Dîcle Erden, Hemsereka Meclîsê Şarê Kurdî yê Londonî Turkane Budak û Baran Kasakol, Meclîsê Şarê Kurdî yê Brîtanya ra Ercan Akbal û Vervatoxa Cinîyan ê Kurdan Bîrsene Poyraz tede bîyê, bi îdîaya 'gumanê terorî' kontrolê pasaportî ra dima ameyî vindarnayene.

Cigêrayîşê wesayîtî ra dima aktîvîstî ameyî destbendkerdene û dest nîya hacetanê înan ser. Nînan rê persê sey ''Şima paştî danê şermezarkerdişî?'', ''Çira hêrişê înan ameyo kerdene?'', ''Îstîxbaratê tirkan no serebût kerdo?'' ameyî perskerdene.

Aktîvîstî 6 saetan ra dima vera dîyayî.