Kurdî hemverê îşxalî de seba tewirê neteweyîyî cemêyenê

Kogreya Neteweyî ya Kurdistanî (KNK), seba bewlîkerdişê tewirî yê hemverê hêrişanê îşxalî yê dewleta Tirkî yê sere Başûrê Kurdistanî û Rojawanî organîzasyonanê sîyasîyan ê Kurdan û dormeyê înan dir cemêyeno.

KNK’yo ke merkezê ci Bruksel de yo, seba bewlîkerdişê tewirê neteweyîyî na roja Şemeyî saete 10:30 de Klubê Çapemenî yê Brukselî de kombîyayîşêk virazeno.

 Kombîyayîşo ke do biroje dewam bikero, yeno pawitene ke 100 ra vêşêr kesî tewrê ci bibê. Partî, organîzasyonî û temsîlkarê cimatê sivîlî yê ke çar perçeyanê Kurdistanî ra yê, do bikerê ke reaksîyonêko hempar hemverê îşxalê Tirkî de bidê.

 Amacê kombîyayîşî, sey bi beşdarîya heme beşan û destekê înan eşkerakerdişê belgeyêkê tewirê neteweyîyî yeno îfadekerdene. Do îmkan bibo ke kombîyayîş serê înternetî ra zî bi hawayêkê ganîyî bêro temaşekerdene.