Çalakîya roniştişî de ke hewteyê diyînî de TJK-E dewr girewtbî, seba ke roja roniştişê derheqê Tirkîya de ver bi Konseya Ewropa (KE) rayraşîyayîşêk ame kerdene.

Rayraşîyayîş de pankartê 'Ocalanî rê Azadîye' û fotografê Rayberê Şarê Kurdî Abdullah Ocalanî ameyî akerdene û sloganî ameyî vatene. Çalakîkeran verê KE de çalakîya roniştişî kerde. Hunermende Zarîfe Zerîn prosesê Komployê Mîyanneteweyî ra behs kerd û komplo de rolê Ewropa vist vîrî. Dima çalakîye derbazê warê Nobeta Azadîye bîye û tîya de zî beşdaran qisey kerd.

Nameyê TJK-E ser o aktîvîste Neslîhane Kiliç qisey kerd û pare kerd ke Rayberê Şarê Kurdî Ocalan bi komployî Tirkîya rê ame teslîm kerdene. Kiliçe tecrîdo giran ê Îmraliyî zî vist vîrî û vat: ''Eke welatê Ewropa durust ê ganî vera Tirkîya teda bikerê.''

Nameyê KCDK-E ser o Hemsereke Fatoşe Goksungur qisey kerd û ard ziwan ke tecrîdê vera Abdullah Ocalanî nêno qebulkerdene, heta ke Ocalan azad binê kurdî do meydanan de bibê.

Nameyê SYKPyî zî Tuncay Yilmazî qisey kerd û vat ganî cade Abdullah Ocalan bêro azadkerdene.

Hemserekê Meclîsanê Êzidîyan ê Ewropa Fîkret Îgreko ke seba ke vera peymana Bexdad-Hewlêrî KE reyde nîqaşan bikero uca de bi, da zanayene ke êzidîyî na peymane qet qebul nêkenê û ganî Şingal çarçewa paradîgmaya Ocalanî de bibo xoser.