Konseya Kurdan a Demokratîke ya Fransa (CDK-F) û Têgêrayîşê Cinîyan ê Kurdan ê Fransa (TJK-F) bi wesîleya serrgêra Komployê 9ê Teşrîna Verêne ya 1998î yê vera Rayberê Şarê Kurdî Abdullah Ocalanî xeylêk şaristananê Fransa de do çalakîyan bikerê.

CDK-F û TJK-Fyî eşkerayîyanê xo de ard ziwan ke ê do bi şîarê 'Azadîya Rayber Apoyî azadîya ma ya' vejîyê waran û komplo û tecrîdî şermezar bikerê. 

Eşkerayîye de wina ame vatene: ''Wext wextê ci yo ke ma seba azadîya Rayber Apoyî seferber bibê, wayîrê gerîlayan vejîyê û bibê layîqê vîrameyîşanê şehîdanê 'Şima nêeşkenê tîja ma tarî bikerê.' Bi na qerardarî ma venga şarê xo yê Fransa danê ke bi şîarê 'azadîya Rayber Apoyî azadîya ma ya' vejîyo waran û vera Komployî tewrê rayraşîyayîşî bibo.''

Wext û cayê çalakîyan wina yê: 

Paris, 8ê Teşrîna Verêne, Saete: 14:00, Adres: Place de La République

Strasbourg, 8ê Teşrîna Verêne, Saete: 13:00, Adres: Place de la Gare 67000 Strasbourg

Reims, 8ê Teşrîna Verêne, Saete: 19:00, Adres:  Place D'Erlon Reims

Rennes, 8ê Teşrîna Verêne, Saete: 17:00, Adres: Charles de Gaulles (pêşiya metro)

Marsilya, 8ê Teşrîna Verêne, Saete: 14:00, Adres: Canabîer

Bordeaux, 9ê Teşrîna Verêne, Saete: 17:00, Adres: Place da Bourse