Kurdîstanijî û dostê înan vengdayîşê Meclîsê NCKDyî, Meclîsê Cinîyan ê Sara, KOM-MEDî şaristanê Munihî yê Almanya de ameyî pêser û înan hêrişê dewleta tirke protesto kerdî. Qiseykerdişan de venga welatanê Ewropa ame dayene ke nêbê hemkarê sûcanê dewleta tirke.

Kiel

Çalakîya Kielî ya Almanya de bêvengîya PDKyî ameye şermezarkerdene. Kurdîstanijan bale ante ser ke bêvengîya DYA, Rûsya û dewletanê dinya yena manaya hemkarîya qetlîamî.

Paris

Vengdayîşê CDK-Fî ser o hêrişê dewleta tirke yê vera Herêmanê Pawitişî yê Medya, Mexmûr û Şingalî ameyî protestokerdene. Çalakîye de dowîzê bi nuşteyê 'Kiştox Erdogan', 'TCyo îşxalker' ameyî berzkerdene, sloganî ameyî vatene.

London

Çalakîya vera hêrişanê dewleta tirke de posterê Rayberê Şarê Kurdî Abdullah Ocalanî, alayê YPG û YPJyî ameyî kiriştene. Çalakîye de Hemserekê Meclîsê Şarê Kurdî yê Britanya Ercan Akbalî qisey kerd û waşt ke Îngilîstan Tirkîya rê çekan meroşo.

Bern

 

Çalakîya Bernî de vilawekê almankî ameyî wendene. Eşkerayîya NCKDyî de ameye vatene ke ê hêrişan qebul nêkenê.

Marsilya

Kurdîstanijî û dostanê înan hêrişê qirkerî yê dewleta tirke protesto kerdî. Çalakîye de nameyê NCKDyî ser o ame qiseykerdene û vilawekê fransizkî ameyî vilakerdene.

Toulouse

Şaristanê Toulouse yê Fransa de zî hêrişê dewleta tirke ya îşxalkere ameyî şermezarkerdene.

Lavrio

Şaristanê Lavrioyî yê Yunanistanî de rayraşîyayîşêkê girseyî de hêrişê dewleta tirke yê vera Kurdîstanî ameyî protestokerdene. posterê Rayberê Şarê Kurdî Abdullah Ocalanî, alayê PKK û KCKyî ameyî kiriştene.

Reyna bajaranê Zurih, Cenevre û Baselî yê Swîsre û bajaranê Koln, Stuttgart û Munsterî yê Almanya de zî bi eynî waştişî kurdistanijî dostê înan kuçeyan de bî.

Stuttgart

Munster

Koln

Cenevre

Zurih

Basel